ગુજરાતના ખેડૂતો માટે રાહત ના સમાચાર આવી ગયા છે હવે pm kisan samman nidhi yojana નો 21 મોં હપ્તો આવી ગયો છે.

તાજેતરના કમોસમી વરસાદે ઘણું નુકસાન કર્યું. પાક બગડ્યો, પાક પાણીમાં તણાઈ ગયા અને ખેડૂતોને ફરીથી ઉભા થવાની ચિંતા સતાવવા લાગી. એ સમયે વડાપ્રધાન નરેન્દ્રભાઈ મોદીએ કોયમ્બતુરથી દેશના ૯ કરોડ ખેડૂતો માટે . ૧૮ હજાર કરોડનું PM-Kisan સન્માન નિધિનું વિતરણ કર્યું અને ગુજરાતે આ સહાયનો મોટો ફાળો મેળવ્યો.

ગુજરાતમાં ખાસ કાર્યક્રમ: ૪૯ લાખથી વધુ ખેડૂતોને ૯૮૬ કરોડ રૂપિયાની સહાય

ગાંધીનગરમાં આયોજિત રાજ્યકક્ષાના કાર્યક્રમમાં મુખ્યમંત્રી શ્રી ભૂપેન્દ્ર પટેલ અને કૃષિમંત્રીશ્રીઓની હાજરીમાં ૧૧.૬૮ લાખથી વધુ કૃષિ સહાયના મંજૂરી પત્રોનું વિતરણ કરવામાં આવ્યું. રાજ્યના ખેડૂતોે PM-Kisanના ૨૧મા હપ્તાનું Live પ્રસારણ પણ નિહાળ્યું.

કમોસમી વરસાદ પછી ઝડપથી ૧૦,૦૦૦ કરોડનું રાહત પેકેજ

CM શ્રી ભૂપેન્દ્ર પટેલે સ્પષ્ટ જણાવ્યું કે આ વખતે વરસાદથી થયેલા ભારે નુકસાનને ધ્યાનમાં રાખીને, સરકારે માત્ર થોડા જ દિવસોમાં રૂ. ૧૦ હજાર કરોડનું રાહત પેકેજ જાહેર કર્યું.

ખેડૂતોએ વર્ષોથી જે માંગણી કરી હતી એ પુરી થઇ.

બીજથી બજાર સુધી: ખેડૂતો માટે વાસ્તવિક પરિવર્તન

ગુજરાત રાજ્યના ૯૮% ખેડૂતોને સવારના 10:30 કલાક થી 5:30 કલાક સુધી વીજળી મળે છે, ત્યારે તેના પરિણામો ખેતરમાં પાક સારો લેવાય છે અને સિંચાઈ સરળ બની છે, ઉત્પાદન વધ્યું છે જેના લીધે આવક પણ વધી છે.

મુખ્યમંત્રીએ યાદ કરાવ્યું કે કૃષિ મહોત્સવ જેવી પહેલો દ્વારા ગુજરાતના ખેડૂતો સુધી વૈજ્ઞાનિક માર્ગદર્શન ખેતરમાં જ પહોંચાડવામાં આવ્યું. “લેબ ટુ લેન્ડ” શબ્દો માત્ર સૂત્ર નહીં, પરંતુ વાસ્તવિક કાર્યક્રમ રહ્યા છે.

પ્રાકૃતિક ખેતી અપનાવો

ક્લાઈમેટ ચેન્જની અસર આજે દરેક ખેડૂત અનુભવે છે— અનિયમિત વરસાદ, વધતી ગરમી, જમીનની ફળદ્રુપતા ઘટવી… એ બધું રોજનું ચિંતાનો વિષય.

અહીં વડાપ્રધાનશ્રીની પ્રાકૃતિક ખેતી પ્રત્યેની વચનબદ્ધતા મહત્વની છે.
જમીન, પાણી અને માણસના આરોગ્યની ચિંતા— ત્રણેય એક સાથે.

અધિકારીઓના જણાવ્યા પ્રમાણે રાજ્યમાં પ્રાકૃતિક ખેતી, ઝીરો બજેટ ફાર્મિંગ, નેનો ટેક્નોલોજી, યાંત્રિકીકરણ અને MSP પર પાક ખરીદી જેવી અનેક પહેલોને મિશન મોધ પર આગળ ધપાવવામાં આવી રહી છે.

કાર્યક્રમમાં ખેડૂતોનો સન્માન

કાર્યક્રમમાં ૧૫થી વધુ લાભાર્થી ખેડૂતોને વિવિધ સહાયના મંજૂરીપત્રો મુખ્યમંત્રીશ્રીએ આપ્યા. હજારો ખેડૂતોે ઓનલાઈન જોડાઈને PM-Kisan હપ્તો પ્રાપ્ત કર્યો અને સરકારના નવા કૃષિ મોડેલ વિશે માહિતી મેળવી.

ખેડૂતને માત્ર સહાય નહીં, પરંતુ સન્માન, માર્ગદર્શન અને વિશ્વાસ— એ ત્રણેય અહીં સ્પષ્ટ દેખાયા.

Frequently Asked Questions

1. ગુજરાતમાં PM-Kisanના ૨૧મા હપ્તાથી કેટલા ખેડૂતોને લાભ મળ્યો?
ગુજરાતના ૪૯.૩૧ લાખથી વધુ ખેડૂતોને કુલ ૯૮૬ કરોડ રૂપિયા DBT મારફતે જમા થશે.

2. રાજય સરકારે કમોસમી વરસાદ માટે કેટલું રાહત પેકેજ જાહેર કર્યું?
તાજેતરના ભારે વરસાદ પછી રૂ. ૧૦ હજાર કરોડનું વિશાળ પેકેજ રાજ્ય સરકારે જાહેર કર્યું છે.

3. પ્રાકૃતિક ખેતીને એટલી મહત્વતા શા માટે આપવામાં આવી રહી છે?
પ્રાકૃતિક ખેતી જમીનનું સ્વાસ્થ્ય, ઉત્પાદનની ગુણવત્તા અને ખેડૂતોની લાંબા ગાળાની આવક— ત્રણેય સુધારે છે. ક્લાઈમેટ ચેન્જની સામે આ વધારે અસરકારક મોડેલ છે.